Moldova 2023-cü ildə əvvəllər götürdüyü kreditlərin faizlərini ödəmək üçün təxminən 300 milyon dollar xərcləyib. 

Valyuta.az xəbər verir kiu, "Primetime" bu barədə Moldovanın İnkişaf və Birlik Partiyasının lideri İon Çikunun bəyanatına istinadən məlumat yayıb.

Çiku qeyd edib ki, Maya Sandu prezident olduğu üç il ərzində Moldovanın dövlət borcu 2 milyard dollar artıb, eyni zamanda həm ölkə daxilində, həm də xaricdə yüksək faizlə kreditlər alınıb.

"Nəticədə 2023-cü ildə dövlət yalnız faiz və komissiya şəklində təxminən 300 milyon dollar ödəməli oldu ki, bu da 2022-ci il səviyyəsindən 2 dəfə çoxdur", deyə keçmiş baş nazir vurğulayıb.

Çikunun sözlərinə görə, borcun ödənilməsi ilə bağlı böyük xərclər səbəbindən dövlətin sosial ehtiyaclar üçün kifayət qədər vəsaiti yoxdur və tezliklə pensiyalar üçün də pul olmayacaq.

2022-ci ildə Moldovada inflyasiya 30,2%-ə çatıb. Ötən ilin may ayından ölkədə qiymət artımı və həyat səviyyəsinin aşağı düşməsi ilə bağlı etiraz aksiyaları keçirilib.

Paşa Məmmədli