Hindistan Qırmızı dənizdəki gərginliyə görə ölkənin neft idxalına təhlükə görmür. 

Valyuta.az xəbər verir ki, bunu Hindistanın neft və qaz naziri Hardeep Sinq Puri Nyu-Dehlidə keçirdiyi mətbuat konfransında deyib.

Onun sözlərinə görə, vəziyyət belə davam edərsə, alternativ logistik marşrutlar axtarmaq olar. Lakin hələlik narahatlığa əsas yoxdur.

Yapon mediası əvvəllər xəbərdarlıq etmişdi ki, Qırmızı dəniz boyunca tədarükün kəsilməsi qiymətlərin artmasına və qlobal təchizat zəncirlərində fasilələrə səbəb ola bilər. Konteynerin alternativ marşrutla çatdırılmasının dəyəri 3 dəfədən çox artır.

Lakin hindistanlı nazir əmindir ki, vəziyyət hələ də Hindistana neftin fasiləsiz tədarükü ilə bağlı narahat olmaq üçün kritik həddə çatmayıb.

Paşa Məmmədli