İsrailin ən böyük aviaşirkəti "El Al" bu ilin mart ayının sonuna qədər Cənubi Afrika Respublikasına (RSA) uçuşları dayandırır. 

Valyuta.az xəbər verir ki, bu barədə “Spiegel” qəzeti yazıb.

Milli aviadaşıyıcının məlumatına görə, Yohannesburqa uçan təyyarələrin demək olar boş olması səbəbindən uçuşlar təxirə salınıb.

"İsraillilər Cənubi Afrikaya uçmaq istəmirlər", deyə şirkət sözçüsü bildirib.

Materialda qeyd edilir ki, BMT məhkəməsi yanvarın 26-da Cənubi Afrikanın İsrailə qarşı fövqəladə tədbirlər görmək və yəhudi dövlətinin soyqırım ittihamları ilə üzləşdiyi Qəzza zolağında hərbi əməliyyatlarını dayandırmaq barədə təcili tələbi ilə bağlı qərar verəcək.

Beynəlxalq Ədalət Məhkəməsi Cənubi Afrikanın Qəzza zolağındakı vəziyyətlə bağlı soyqırım konvensiyasına əsasən İsrailə qarşı iddiasına baxır. Pretoriya Qərbi Qüdsdən anklavda quru əməliyyatını dərhal dayandırmağa məcbur edilməsini tələb edir. İsrail bütün soyqırım ittihamlarını rədd edərək, fələstinliləri məhv etmədiyini, əksinə öz xalqını qoruduğunu bildirir. Eyni zamanda, ölkənin BMT-dəki daimi nümayəndəsi Gilad Erdan hesab edir ki, ilk növbədə HƏMAS-a “göz yuman” və əlbir olan təşkilatın özü mühakimə olunmalıdır. 

Paşa Məmmədli

​