Səudiyyə Ərəbistanının milli neft şirkəti "Saudi Arabian Oil Group" (Saudi Aramco, dünyanın ən böyük şirkəti) radikal Yəmənin Ənsar Allah (Husi) hərəkatının hücumlarına baxmayaraq, Qırmızı dəniz vasitəsilə neft tədarükünü davam etdirir. 

Valyuta.az xəbər verir ki, bu barədə "Bloomberg" məlumat yayıb.

"Saudi Aramco"nun neft emalı, ticarət və marketinq bölmələrinə rəhbərlik edən Məhəmməd Əl-Qahtani bununlka bağkı açıqlamasında "Biz neft və neft məhsulları yüklərimizlə Qırmızı dənizdən keçirik" deyib. O, riskləri “idarə edilə bilən” adlandırıb.

Agentlik qeyd edib ki, bu, ABŞ və Britaniyanın husilərə qarşı cavab hücumlarından sonra Qırmızı dənizdə uçuşları dayandıran digər ölkələrin qərarı ilə ziddiyyət təşkil edir. Buna cavab olaraq yaraqlılar bildiriblər ki, İsrail gəmiləri ilə birlikdə hər iki ölkənin gəmiləri də hücuma məruz qalacaq.

Səudiyyə Ərəbistanının yerləşməsi (qərbdə Qırmızı dəniz və şərqdə Fars körfəzi) digər marşrutlardan istifadəni çətinləşdirir. "Saudi Aramco" müntəzəm olaraq ən böyük neft yataqlarının və iri neft emalı zavodlarının yerləşdiyi Fars körfəzindən xam neft və yanacaq göndərir.

Münaqişə başlayandan bəri, "Bloomberg" tərəfindən nəzərdən keçirilən tanker izləmə məlumatları göstərir ki, Qırmızı dənizin cənubundan, o cümlədən Qırmızı dənizdəki Cizan neft emalı zavoduna Səudiyyə tankerlərinin davamlı axını var.

Amma "Saudi Aramco"nun müştəriləri bu ay Qırmızı dəniz vasitəsilə Misirdən keçərək qərbdəki alıcılara hər hansı xam neft yükü göndərməyiblər. "Bloomberg" qeyd edir ki, Səudiyyə neftinin Qərb ölkələrinə axını dövri xarakter daşıyır, çünki Səudiyyə neftinin böyük hissəsi Asiyaya göndərilir.

Səudiyyə şirkəti bildirib ki, "Saudi Aramco" neft kəmərindən şərqdəki əsas yataqlardan neftin Süveyş kanalı vasitəsilə ixrac oluna biləcəyi Qırmızı dəniz sahillərinə nəqli üçün də istifadə edir.

"Bloomberg"in tərtib etdiyi gəmi izləmə məlumatlarına görə, yanvarın birinci yarısında "Saudi Aramco" Qırmızı dənizdəki Yanbu terminalından Avropaya bütün əvvəlki ayda olduğu qədər neft göndərib.
​
Paşa Məmmədli