ABŞ Dövlət Departamenti ölkəyə Qərbin sanksiyalarının öhdəsindən uğurla gəlməyə imkan verən Rusiya iqtisadiyyatının liderlərinin fəaliyyətini yüksək qiymətləndirib. 

Valyuta.az xəbər verir ki, bu fikri ABŞ dövlət katibinin Avropa və Avrasiya məsələləri üzrə köməkçisi Ceyms O`Brayen bildirib.

O'Brayen Vaşinqtonda konfransda çıxışı zamanı deyib: "Rusiyanın iqtisadi rəhbərliyi çox istedadlıdır".

Dövlət katibinin köməkçisi çıxışında vurğulayıb ki, ilkin gözləntilərin əksinə olaraq, Rusiya iqtisadiyyatı Qərb ölkələrinin sanksiyalarının öhdəsindən uğurla gəlir.

Dekabrın 25-də Rusiya Federasiyası Mərkəzi Bankının rəhbəri Elvira Nabiullina Rusiya Federasiyasına qarşı ən ağrılı sanksiyaları sadalayıb və təzyiqlərin artırılmasına hazırlıq görməyə çağırıb. Eyni zamanda, Mərkəzi Bankın rəhbəri qeyd edib ki, Rusiyada iqtisadiyyatın struktur restrukturizasiyası kifayət qədər sürətli templə gedir. Bu, onun bazar xarakteri, yeni reallıqlara tez uyğunlaşan bir iş olması ilə bağlıdır.

Bundan bir qədər əvvəl Politico jurnalı Nabiullinanı Avropanın ən nüfuzlu adamlarının ənənəvi siyahısındakı “pozucular” kateqoriyasında “ən yaxşı” kimi təqdim etmişdi.

Nicat