Kiyev Ukrayna ərazisindən qaz tranziti üçün Rusiya ilə müqavilənin uzadılması ehtimalını rədd edir. 

Valyuta.az xəbər verir ki, bu barədə Ukrayna hökumətinin mətbuat xidməti məlumat yayıb.

"Daşıma müqaviləsinin müddəti bu ilin sonunda başa çatır, biz ruslarla danışıqlar aparmaq və müqaviləni yeniləmək niyyətində deyilik. Bu barədə Ukraynanın baş naziri slovakiyalı həmkarına Robert Fiki məlumat verib", deyə Ukrayna hökumətinin mətbuat xidməti bildirib.

Eyni zamanda, Nazirlər Kabineti Ukraynanın qaz nəqli şəbəkəsindən istifadə məsələsini Avropa İttifaqı ölkəsi ilə müzakirə edə biləcəklərini vurğulayıb.

Rusiya qazının Ukrayna ərazisindən tranzitinin 2025-ci ildə də davam edə biləcəyi faktını daha əvvəl sosial şəbəkələrdə Slovakiyanın baş naziri Robert Fiko bildirib. Onun sözlərinə görə, müvafiq razılıq onun ukraynalı həmkarı Denis Şmıqalla görüşündə əldə olunub.

Fikoya görə, Slovakiya qaz tranzitini davam etdirə biləcək və bu, Avstriya və İtaliyaya fayda verəcək. Slovakiyanın baş naziri müqavilənin detallarını daha sonra açıqlayacağına söz verib.

Rusiya ilə Ukrayna arasında qaz tranziti müqaviləsi 2024-cü ilin sonunda başa çatacaq.

Paşa Məmmədli