Rusiya Baş Prokurorluğun iddiasına görə, Moskva yaxınlığındakı Odintsovodakı "Alma bağı" kottec icması, burada YUKOS-un təsisçiləri Mixail Xodorkovski (Rusiya Federasiyasında xarici agent kimi tanınır), Leonid Nevzlin (Rusiya Federasiyasında xarici agent kimi tanınır), Platon Lebedev, habelə neft şirkətinin və onun qəbul evinin keçmiş top-menecerlərinin evlərinin yerləşdiyi ərazidir. 

Valyuta.az xəbər verir ki, bu barədə “Kommersant” yazır.

“Kommersant”ın məlumatına görə, 2024-cü il yanvarın 17-də Baş Prokurorluğun iddiası Odintsovo Şəhər Məhkəməsinin hakimi Yevgeni Selin tərəfindən təmin edilib. Müvafiq ərizə ona 2023-cü ilin oktyabrında daxil olub. Qeyd olunur ki, müsadirə haqqında qərar dərhal verilməyib - tərəflərə əlavə sübutlar toplamaq və məhkəmə iclaslarında təqdim etmək üçün vaxt verilib.

“Kommersant”ın yazdığı kimi, məhkəməyə gedərkən Baş Prokurorluğun nümayəndələri 2005-ci ildə Meşçanski rayon məhkəməsinin hökmünə əsaslanıb, ona əsasən, Xodorkovski və Lebedev vergidən yayınma ittihamı da daxil olmaqla, 9 il müddətinə azadlıqdan məhrum ediliblər.

Yanvarın 9-da Rusiya Daxili İşlər Nazirliyinin dosyelərindən məlum olub ki, Xodorkovski yenidən axtarışa verilib.

Dekabrda Moskvanın Meşçanski Məhkəməsi sosial şəbəkələrdəki yazılarını xarici agent kimi qələmə vermədiyinə görə biznesmeni cərimələyib. İş adamı 50 min rubl cərimə ödəməli olacaq.

Yukos neft şirkətinin keçmiş sahibi Mixail Xodorkovski 2003-cü ilin oktyabrında həbs edilib. 2005-ci ildə dələduzluq və vergidən yayınma ittihamı ilə həbs cəzasına məhkum edilib. 2010-cu ildə iş adamı yeni hallara görə daha bir müddətə azadlıqdan məhrum edilib. Xodorkovskinin həbs müddəti 2014-cü ilin avqustunda bitməli idi.

2013-cü il dekabrın 20-də Rusiya prezidenti Vladimir Putin Xodorkovskinin əfv edilməsi haqqında fərman imzalayıb. Putinin mətbuat katibi Dmitri Peskovun dediyi kimi, prezident bunu “sırf insani və humanitar mülahizələrə əsaslanaraq” edib.

Nicat