Polşanın yeni hökuməti Ukrayna məhsullarının bu ölkələrdə qiymətlərin aşağı düşməsinə səbəb olarsa, Polşaya və digər qonşu ölkələrə ixracına məhdudiyyət qoyulması məsələsində Avropa İttifaqından güzəştlərə nail olub. 

Valyuta.az xəbər verir ki, Financial Times bu barədə Avropa komissarı Valdis Dombrovskisə istinadən yazıb.

Dombrovskisin sözlərinə görə, Avropa Komissiyasının təklifi bu həftə ortaya çıxmalıdır ki, bu da çox güman, “ölkəyə xas qoruyucu tədbirləri” ehtiva edəcək. Müəyyən bir ölkənin bazarında sıxlıq yaranarsa, Brüssel idxalın qarşısını ala biləcək.

"Biz Polşaya və digər Aİ-yə üzv dövlətlərə necə əlavə zəmanətlər verə biləcəyimizi araşdıracağıq və bu seçim ölkəyə xas zəmanətlərin tətbiqidir", - komissar deyib.

Polşa Kənd Təsərrüfatı Nazirliyi FT-nin şərh sorğusuna cavab verməyib.

Dombrovskis həmçinin ticarətin liberallaşdırılması danışıqlarının başlandığını elan edib və ölkənin Avropa İttifaqına daxil olması ilə bağlı danışıqların başlanması ilə əlaqədar Ukraynanın Aİ-yə ixracı artırmaq üçün bəzi ticarət maneələrini azaltmağa təşviq ediləcəyini bildirib.

Aİ rəsmiləri həmçinin Ukraynadan quş əti, yumurta və şəkər kimi həssas məhsullara ixrac kvotası tətbiq etməyi nəzərdən keçirdiklərini təsdiqləyiblər. FT-nin həmsöhbəti dəqiqləşdirib ki, hazırda heç bir qərar yoxdur.

Yanvarın 22-də Polşanın baş naziri Donald Tusk Kiyevə səfər edib. O, həmçinin ukraynalı həmkarı Denis Şmıqalla da görüşüb və bildirib ki, Ukrayna Polşaya kənd təsərrüfatı məhsullarının ixracı üçün “yoxlama mexanizmi” təklif edib və bu, Rumıniya və Bolqarıstanla artıq qüvvədədir.

Polşanın kənd təsərrüfatı naziri Çeslav Sekierski daha əvvəl bildirmişdi ki, Aİ Ukrayna ilə rüsumsuz ticarəti 2025-ci ilin iyun ayına qədər uzatmağa hazırlaşır.

2022-ci ilin iyununda Aİ Ukraynanın Avropa bazarına ixracı üçün nəzərdə tutulan bütün rüsum və ödənişləri rəsmi olaraq ləğv edib. 27 aprel 2023-cü ildə rüsumların ləğvi daha bir il müddətinə razılaşdırılıb.

Yanvarın 4-də Çeslav Sekierski Polşanın Ukrayna məhsullarının ixracına qeyri-müəyyən embarqo tətbiq etdiyini açıqlayıb.

Nicat