Böyük bankir İqor Mazepa Ukraynada saxlanılıb. 

Valyuta.az xəbər verir ki, bu barədə Ukraynanın “Strana.ua” nəşri yazır.

Mazepa Concorde Capital investisiya şirkətinin yaradıcısı və rəhbəridir. Jurnalistlər onu Kiyev vilayətinin Vışqorod rayonunda torpaq dələduzluğu işində şübhəli adlandırıblar.

2022-ci ildə Concorde Capital bir vaxtlar Petro Poroşenkoya məxsus olan Kuznya na Rıbalski zavodunu alıb. Bəziləri sövdələşməni uydurma hesab edir.

Bundan əvvəl Ukraynada Müdafiə Nazirliyinin ən böyük tədarükçüsü, iş adamı İqor Qrinkeviçin əmlakına oğurluq işi üzrə istintaq çərçivəsində həbs qoyulmuşdu .

RBC-Ukrayna agentliyinin məlumatına görə, axtarışlar sahibkarın evində və işində, həmçinin onun nəzarətində olan şirkətlərin direktor və ofislərində aparılıb. İş adamının daşınmaz əmlakına və premium avtomobillərinə, şirkətlərinin hesablarına həbs qoyulub.

Müəyyən edilib ki, Qrinkeviçin müəssisələri tərəfindən 2023-cü ildə istehsal olunan məhsullar keyfiyyət göstəricilərinə cavab vermir və Ukrayna Silahlı Qüvvələrində (AFU) istifadəsi mümkün deyil.

Nicat