Ukrayna hüquq-mühafizə orqanları İspaniya Krallığının polisi ilə beynəlxalq xüsusi əməliyyat keçirib. Nəticədə Ukraynanın mədəni sərvətləri, yəni 60 milyon avro dəyərində skif qızılı müsadirə edilib.

Valyuta.az xəbər verir ki, bu barədə BEB-in mətbuat xidmətindən məlumat  verilib.

Əməliyyat zamanı iki Ukrayna və üç İspaniya vətəndaşı saxlanılıb.

Hüquq-mühafizə orqanlarının əməkdaşları müəyyən ediblər ki, 2014-2020-ci illər ərzində saxlanılan şəxslər gömrük nəzarətindən gizlədərək, Ukraynadan külli miqdarda “Skif qızılı” əşyalarını qanunsuz olaraq ixrac ediblər.

Həmin şəxslərdən qızıl medalyon, qızıl sırğalar, kulon, çoker və pektoral götürülüb. Məhsulların təxmini bazar dəyəri 60 milyon avrodan çoxdur.

“Bu obyektlər müasir Ukrayna ərazisində yerləşən “Kiçik Sikif” dövlətinin mövcud olduğu dövrə aid mədəni və maddi dəyərlərə aiddir və beynəlxalq səviyyədə tanınmış sərhədlərə uyğun olaraq, Ukrayna mülkiyyəti sayılır”, - BEB vurğuladı.

SBU və BEB əməkdaşları İspaniya Krallığının səlahiyyətli orqanları ilə birlikdə beynəlxalq cinayətkar qrupun iştirakçılarına qarşı bir sıra istintaq-əməliyyat tədbirləri həyata keçirib.

Hüquq-mühafizə orqanlarının əməkdaşları işdə iştirak edən şəxslərin: Ukrayna Pravoslav Kilsəsinin (Moskva Patriarxlığı) din xadimlərinin, qiymətləndiricilərin, notariusların və cinayətdə iştirak edən vasitəçilərin hərəkətlərini sənədləşdiriblər.

Müsadirə olunan əmlaka həbs qoyulub. Ukrayna Milli Tarix Muzeyinin mütəxəssislərinin qənaətinə görə, ixrac edilən əmlak Ukraynanın mədəni irsidir. Adı çəkilən mədəni sərvətlərin Ukraynaya qaytarılması məsələsi həll edilir.

Mədəni sərvətin digər hissəsinin, habelə cinayətdə iştirak edən şəxslərin olduğu yer də müəyyənləşdirilir.

Xüsusi əməliyyat Baş Prokurorluğun prosessual rəhbərliyi altında və İspaniya Daxili İşlər Nazirliyinin Ukraynadakı Attaşe İdarəsi və İspaniya Milli Polisinin Beynəlxalq Əməkdaşlıq Departamenti ilə birgə həyata keçirilib.

Nicat