Sentyabrın 21-nə keçən gecə Moskvada rekord gecə temperaturu qeydə alınıb. 

Valyuta.az xəbər verir ki, bu barədə "Phobos" meteoroloji məlumatların emalı və vizualizasiya mərkəzi məlumat yayıb.

Mərkəzin məlumatına görə, Moskvada gecə saatlarında havanın temperaturu 16 dərəcədən yuxarı olub. Əvvəlki rekord 2015-ci ildə qeydə alınmış və 13 dərəcə idi. Qeyd olunur ki, iyulda Moskvada havanın gecə temperatur norması ötən gecə qeydə alınandan aşağı olub - 13,5 dərəcə.

Bundan əvvəl sinoptik Yevgeni Tişkovets bildirmişdi ki, sentyabrın 20-də Moskvada temperatur rekordu müəyyən edilib. Sinoptikin məlumatına görə, sentyabrın 20-də saat 15:00-a qədər VDNKh baza meteoroloji stansiyasında hava +24,3°C, Balçuqda isə +24,9°C-yə qədər olub.

Tişkovets qeyd edib ki, əvvəlki rekord 1937-ci ildən bəri qeydə alınmışdı - +24,2 dərəcə.

Eyni zamanda, “Meteonovosti” agentliyinin aparıcı mütəxəssisi Tatyana Pozdnyakova bəyan edib ki, 2023-cü ilin sentyabrı meteoroloji müşahidələr tarixində ən quraq 10 ay arasında ola bilər, çünki bu dövrdə yağıntı normadan aşağı olub.

Paşa Məmmədli