KAMAZ öz işçilərinə “Apple” avadanlıqlarından biznes məqsədləri üçün istifadə etməyi qadağan edib.

Valyuta.az xəbər verir ki, bu barədə şirkətin “Vesti Kamaz” korporativ nəşri yazır.

“KAMAZ PJSC-nin baş direktoru Sergey Koqoqin “Apple” brendinin elektron cihazlarından şirkətin əməkdaşlarının rəsmi məqsədlər üçün istifadəsini qadağan edən əmr imzalayıb”, - nəşr yazır.

Şirkət bildirib ki, smartfonlar, saatlar, planşetlər, noutbuklar, stolüstü kompüterlər və digər “Apple” avadanlıqları qadağa altına düşür. Bu markanın cihazları korporativ SIM-kartlardan istifadə etməməlidir, Rusiya avtomobil istehsalçısının informasiya sistemləri artıq “Apple” qacetlərində dəstəklənməyəcək.

Amerika istehsalçısının məhsullarının informasiyanın mühafizəsi baxımından kifayət qədər etibarlı olmadığı vurğulanır.

Bundan əvvəl RF Nəqliyyat Nazirliyi, Sənaye və Ticarət Nazirliyi, Rəqəmsal Transformasiya Nazirliyi, Rostec, Federal Hava Nəqliyyatı Agentliyi və Rusiya Dəmir Yolları "iPhone"dan rəsmi məqsədlər üçün istifadə etməkdən imtina ediblər.

"Mobile Research Group"un aparıcı analitiki Eldar Murtazinin sözlərinə görə, nazirliklər və dövlət qurumları tezliklə Amerikanın “Apple” şirkətinin texnologiyasından tamamilə imtina edəcəklər.

Nicat