2023-cü ilin yanvar-iyul aylarında Gürcüstan Rusiyadan mayeləşdirilmiş təbii qaz idxalını ötən ilin eyni dövrü ilə müqayisədə 44,2% artırıb. 

Valyuta.az xəbər verir ki, bu barədə TASS agentliyi Gürcüstan Neft Məhsulları İdxalçıları İttifaqının məlumatlarına istinadən məlumat yayıb.

Bu dövrdə ölkəyə maye qaz idxalı 31,5 min ton təşkil edib. Göstərilən həcmin 31,36 min tonu və ya 99,6%-i Rusiyadan tədarük edilib.

Bundan əlavə, bu ilin 7 ayı ərzində neft bitumunun idxalı 22,2% - 61,1 min tona qədər artıb. Ən böyük həcmdə bitum Rusiyadan idxal edilib - 44,4%. İkinci yerdə İraqdan (31,7%), üçüncü yerdə Türkiyədən (21,4%) tədarüklər gəlir.

Paşa Məmmədli