Rusiyanın Ukraynaya genişmiqyaslı işğalı fonunda 2022-ci ildə gənc rus ailələri ərzaq istehlakını kəskin şəkildə azaldıb, lakin ərzaq xərclərini artırıb. 

Valyuta.az xəbər verir ki, “Rosstat” bülleteninə görə, ərzaq məhsullarının əsas qruplarında 2021-ci illə müqayisədə azalma 8-dən 22%-ə, ümumi xərclərdə ərzaq xərcləri isə 29,3%-ə yüksəlib. 

Qidalanma tərkibinə görə, gənc ailələr karbohidratlar (gündə orta hesabla 50 q, 271 q) və yağ (16,5 q, 90,8 q) istehlakını daha çox azaldıblar. Protein qəbulu bir qədər az azalıb - 14 q, 68,8 q. Nəticədə, pəhrizin ümumi kalorili qəbulu 393 kilokalori azalaraq gündə 2186-a düşüb.

“Rosstat” məlumatlarına görə, rusiyalılar süd və süd məhsulları istehlakını xeyli azaldıb - 2021-ci illə müqayisədə 22%, orta hesabla ildə adambaşına 217,5 kq. Meyvə və giləmeyvə, eləcə də bitki yağı və digər piylərin miqdarı 19% azalaraq adambaşına müvafiq olaraq 62,8 kq və 7,8 kq olub.

Gənc ailələr balıq və balıq məhsullarını 17% az (17,5 kq-a qədər), çörək istehlakı 15% (76 kq-a qədər), şəkər və qənnadı məmulatları 14% (25,6 kq-a qədər), yumurta 12% azalıb (199 ədədə qədər). Ən xırda azalma kartof (mənfi 8%, 44,4 kq), həmçinin tərəvəz və bostan məhsulları (mənfi 9%, 85 kq) istehlakında qeydə alınıb.

2022-ci ildə ərzaq istehlakında frontal azalmanın müşahidə olunduğu yeganə əhali qrupu gənc ailələr deyil. Natamam ailələr də istehlaklarını azaldıblar.

Qeyd edək ki, 9 avqust 2023-cü ildə Rusiya rublu dünyanın ən zəif valyutaları üçlüyünə daxil olub. 2023-cü ilin yeddi ayı ərzində rubl dollar qarşısında 57% dəyər itirib.

İşğalçı ölkənin pul vahidi eniş sürətinə görə hətta türk lirəsini də keçib.

2023-cü il avqustun 12-də rubl bir dollar üçün 100 vahidə qədər ucuzlaşıb.

Rusiya Mərkəzi Bankı təcili olaraq əsas faiz dərəcəsini qaldırıb. Rusiya Bankının Direktorlar Şurası fövqəladə iclasında əsas faiz dərəcəsini 3,5 faiz bəndi - illik 8,5 faizdən 12 faizə qaldırmaq qərarına gəlib.

16 avqust 2023-cü ildə “Reuters” Moskvanın rublu dəstəkləmək üçün fövqəladə məhdudiyyətlər hazırladığını yazıb. Demək olar ki, dərhal rublun çökməsindən qəzəblənən Putinin fövqəladə iclas çağırdığı barədə məlumat ortaya çıxıb. 

2023-cü il avqustun 17-də media yazıb ki, rublun çökməsi səbəbindən Putin müharibə ilə iqtisadiyyatını xilas etmək arasında seçim etməli olacaq.

Nicat