“Almaniya üçün Alternativ” partiyasından Bundestaqın enerji və iqlim mühafizəsi komitəsinin üzvü Şteffen Kotre bildirib ki, hazırda Almaniyanın qaz anbarları təxminən 90% doludur. 

Valyuta.az xəbər verir ki, bu barədə “İzvestiya” qəzeti məlumat yayıb.

Onun sözlərinə görə, bu göstərici Rusiya-Ukrayna münaqişəsi başlamazdan əvvəlki orta göstəricidən yuxarıdır. Qazın böyük hissəsi Hollandiya, Belçika və Norveç kimi qonşu ölkələrdən gəlir.

"Almaniya istilik kimi əsas xidmətlərin göstərilməsini nəzərə alaraq, qarşıdan gələn qış üçün kifayət qədər qaza sahib olmalıdır", - Kotret deyib.

O əlavə edib ki, 2022-ci ildə Almaniya qazın qiymətinin yüksək olması səbəbindən sənaye istehsalının azalması səbəbindən bu növ yanacağa xeyli qənaət edə bilib.

Onun fikrincə, qarşıdakı qışda da oxşar tendensiya gözlənilməlidir.

Bundan əvvəl Almaniya İqtisadiyyat Nazirliyi bəyan etmişdi ki, Almaniyanın enerji daşıyıcılarının təchizatı baxımından Rusiya Federasiyasından ciddi asılılığının nəticələri hələ də hiss olunmaqda davam edir.

Nicat