Kanadalı narkotik istehsalçısı “Tilray” pivə istehsalçısı “Anheuser-Busch”dan səkkiz spirt markası alır. 

Valyuta.az xəbər verir ki, bu barədə şirkətin press-relizində deyilir.

Kanadalı marixuana istehsalçısı “Tilray Brands Inc.”, “Anheuser-Busch InBev Brewery”dən səkkiz spirtli içki markası almaq üçün razılığa gəlib.

Sövdələşməyə “Shock Top”, “Redhook Brewery”, “Widmer Brothers Brewing”, “Breckenridge Brewery”, “Blue Point Brewing Co.”, “10 Barrel Brewing Co.”, “Square Mile Cider Co.” və “Hiball Enerji” brendləri daxildir.

Qeyd edilir ki, sözügedən əməliyyatdan sonra “Tilray” səhm kotirovkaları çərşənbə axşamı Nyu Yorkda ilkin ticarətdə 10% bahalaşıb. “Anheuser-Busch” 0,7% bahalaşıb.

Həmçinin bildirilir ki, “Tilray”ın alkoqol bazarına girmək qərarı Kanadada qanuniləşdirilmiş marixuana bazarında şiddətli rəqabət və ABŞ-da bu seqmentin federal islahatlarında irəliləyişin olmaması ilə bağlıdır. 

Müqavilə nağd şəkildə ödəniləcək və bu il bağlanacaq. Sövdələşmənin məbləği açıqlanmayıb.

Xatırladaq ki, Kanada istehsalçısı “Tilray” qlobal marixuana bazarında əsas oyunçu hesab olunur.

Hələ 2018-ci ildə Amerika biznes mediası “Diageo” və “Anheuser-Busch” kimi alkoqol konqlomeratlarının marixuana bazarına yaxınlaşması barədə məlumat verdi. 

O da məlumdur ki, artıq bir neçə ildir ki, spirt və sərinləşdirici içkilər istehsalçıları və marixuana şirkətləri qarşılıqlı maraq göstərirlər.  

Xüsusilə, 2018-ci ildə başqa bir marixuana istehsalçısı Aurora və Coca-Cola arasında danışıqlar barədə məlumatlar ortaya çıxıb. Hər iki şirkət hələlik yekun razılaşmanın əldə olunmadığını bildirib. Lakin Coca-Cola sirr bazarına olan marağını inkar etmədi və mütəxəssislər bunu yüksək şəkərli sərinləşdirici içkilərin populyarlığının azalması ilə əlaqələndirdilər. 

Analitiklərin fikrincə, kannabidiol əsaslı içkilər tələbatın azalmasını kompensasiya edə bilər. Onlar "sağlam qidalar" kateqoriyasına daxildir və psixoaktiv təsir göstərmir.

Böyük içki istehsalçısı “Constellation Brands” (Korona pivəsi kimi) və Kanada marixuana  şirkəti “Canopy Growth Corp” arasında böyük bir razılaşma da məlumdur. Qlobal pivə korporasiyası “Canopy”nin 38%-ni 4 milyard dollara satın alıb. Bu, marixuana sənayesindəki ən böyük sövdələşmələrdən biridir. 

Alınma səbəbləri eynidir: qlobal pivə istehsalı bir yerdə dondurulur və istehlakçıların pivənin “sağlam olmayan” içki olduğuna dair artan inamı səbəbindən istehlak davamlı olaraq azalır.

Nicat