Beynəlxalq reytinq agentliyi "Moody's" ABŞ-ın 6 ən böyük bankının reytinqini aşağı salmaq ehtimalı ilə bağlı araşdırmaya başlayıb. 

Valyuta.az xəbər verir ki, bu barədə “İnterfaks” agentliyə istinadən yazır.

Söhbət "Bancorp", "State Street Corp.", "Bank of New York Mellon", "Northern Trust", "Cullen/Frost Bankers" və "Truist Financial"dan gedir.

Bundan əlavə, "Moody's" "Commerce Bancshares", "BOK Financial Corp.", "Ally Financial Inc.", "Capital One Financial" da daxil olmaqla bir neçə kiçik və orta bankın reytinqlərini aşağı salıb və ya "mənfi" proqnoz verib. 

Agentlik bildirir ki, bu ilin mart ayında Silikon Vadisi Bankının və digər bankların dağılmasından sonra ABŞ bank sənayesi "faiz dərəcələri və risklərlə mübarizəni davam etdirir", bu, likvidlik və kapital üçün mənfi nəticələrə səbəb ola bilər.

"Bir çox bankların ikinci rüb nəticələri gəlirliliyə təzyiqin artdığını göstərdi ki, bu da onların daxili kapital yaratmaq imkanlarını azaldacaq. Risklər xüsusilə böyük həcmdə kommersiya daşınmaz əmlak kreditləri olan kiçik və orta banklar üçün artır", deyə "Moody's"in analitikləri bildirir.

Paşa Məmmədli