ABŞ hakimiyyəti Amerika banklarına Rusiya taxılının ixracına dəstək bildirişi ilə məktublar göndərib. 

Valyuta.az Dövlət Departamentinin saytına istinadla xəbər verir ki, bu barədə ABŞ-ın dövlət katibi Entoni Blinken Fransanın RFI radiostansiyasına bildirib.

Onun sözlərinə görə, ABŞ Rusiya ərzaq məhsullarının ixracına maneələrin aradan qaldırılması üçün hər şeyi edib, xüsusən də “banklar və nəqliyyatla bağlı potensial problemləri” həll edib. "Məsələn, mən banklarımıza məktublar yazdım və izah etdim ki, biz Rusiya taxılının ixracını tamamilə dəstəkləyirik və Rusiya taxılının, nəqliyyatının, sığortasının və sairləri ilə bağlı sanksiyalardan narahat olmaq lazım deyil", - Blinken qeyd edib.

Bundan əlavə, dövlət katibi taxıl müqaviləsi çərçivəsində “20 milyon ton ixrac edildiyini” nəzərə alaraq, Rusiya prezidenti Vladimir Putinin altı Afrika ölkəsinə 25-50 ton taxıl bağışlaması təşəbbüsünü “okeanda bir damla” adlandırıb. 

Bundan əvvəl ABŞ Dövlət Departamentinin sanksiyalar siyasəti üzrə koordinatoru Ceyms O'Brayen ştatların Rusiya Federasiyasının tələblərinin yerinə yetirilməsinə kömək etməyə hazır olduğunu bildirərək, Moskvanı taxıl müqaviləsinin uzadılması şərtləri ilə bağlı daha aydın olmağa çağırıb.

Nicat