İqlim istiləşdikcə, Sibirdə əbədi buzlaqlar əriyir və nəticədə çökəkliklər əmələ gəlir. Onların ən böyüyü yerli əhali arasında “yeraltı dünyaya açılan qapı” kimi tanınır. Bu, rekord sürətlə genişlənməyə davam etdiyi üçün anomaliya hesab olunur.

Valyuta.az "Science Alert"ə istinadla xəbər verir ki, belə çökəkliklər "meqaclot" və ya "termokarst" adlanır. Son illərdə Sibirdə bir çox belə birləşmələr yaranıb. Onlardan, Bataqayka adlanan ən böyüyü ölçüsünə və böyümə sürətinə görə anomaliya hesab olunur. O, Yakutskdan 660 kilometr şimal-şərqdə yerləşir.

Hazırda çökəkliyin uzunluğu təqribən 1 kilometr, dərinliyi isə 100 metrdir. Lakin araşdırmaların nəticələri göstərir ki, çökəklik gələcəkdə ruslar üçün böyük problemə çevriləcək. Formanın ölçüsü hər il 10 metr artır. Təəssüf ki, temp ukraynalıların istədiyi qədər sürətli deyil, - ukraynalıların Rusiyaya qəzəbini ifadə edən sayt belə yazıb.

Bu yerdəki torpaq keçən əsrin 60-cı illərində ətrafdakı meşəni qırdıqdan sonra geri batmağa başlayıb. İndi krater dibindəki əbədi don əridiyi üçün böyüməyə davam edir. Üstəlik, sonuncu çökəklik ölçüsünün artması ilə birlikdə özünü daha çox göstərir.

“Krater, çox güman ki, yavaşlamadan əvvəl bütün təpənin yamacını yeyəcək. Hər il temperatur sıfırdan yuxarı qalxan kimi hər şey yenidən başlayır. Belə bir şey kəşf etdikdən sonra onu dayandırmaq çox çətindir", - Sauthempton Universitetindən coğrafiyaşünas Meri Edvards 2016-cı ildə NASA Yer Rəsədxanasına verdiyi müsahibədə deyib.

Çökəkliyin genişlənməsi özündə Rusiya üçün eyni anda bir neçə "sürpriz" gizlədir. Bu prosesdə bir neçə min il yerin altında saxlanılan karbon ehtiyatları ortaya çıxa bilər. Sibirdə isə qədim virusların izləri tapılıb. Onlar kraterin ölçüsünün artması nəticəsində aktivləşə bilərlər.

Nicat