Çin hakimiyyəti Tokionun “Fukusima-1” AES-dən çirklənmiş suyu dənizə tökmək niyyətinə görə Yaponiyanın 10 prefekturasından məhsulların idxalını qadağan etmək qərarına gəlib. 

Valyuta.az xəbər verir ki, bu barədə hökumətin hesabatda bildirilir. 

“Radiasiya ilə çirklənmiş yapon qidalarının Çinə idxalının qarşısını almaq və idxal olunan ərzaq məhsullarının çinli istehlakçılar üçün təhlükəsizliyini təmin etmək məqsədilə Çin gömrüyü Yaponiyanın Fukusima da daxil olmaqla on prefekturasından ərzaq idxalına qadağa qoyur”, deyə qeyd edilir.

Bundan əvvəl bildirilmişdi ki, Çin və Honq-Konq Yaponiyanın “Fukusima-1” Atom Elektrik Stansiyasından (AES) təmizlənmiş çirkab sularını okeana tökmək planından narahatdır. Bu səbəbdən kosmetika və dəniz məhsulları ilə təchizat sahəsində ölkə iqtisadiyyatı üçün real təhlükə yaranır. Beynəlxalq Atom Enerjisi Agentliyi (MAQATE) belə bir zərərsizləşdirmə strategiyasının təhlükəsiz olduğunu və dünya standartlarına cavab verdiyini təsdiqlədikdən sonra Yaponiya mallarının iki əsas idxalçısının səlahiyyətliləri bir daha bu təklifdən narahat olduqlarını bildiriblər.

Paşa Məmmədli