Unudulmaz toylar təşkil etməkdə illərin təcrübəsinə malik olan Türkiyə dünyanın aparıcı dəbdəbəli toy planlaşdırıcılar birliyi RSVP tərəfindən təşkil edilən RSVP Qala Mükafatlarında dünyanın "Sevimli Destinasiyası" seçildi.

RSVP dəbdəbəli toy və tədbir təşkilatçılarını bir araya gətirən simpoziumlar, konfranslar, mükafatlandırma mərasimləri və şəbəkə tədbirləri təşkil edən tanınmış bir platformadır. 2018-ci ildən etibarən iki ildən bir keçirilən RSVP qlobal dəbdəbəli toy və tədbir sənayesində aparıcı mərasimdir. Builki RSVP yığıncağı İspaniyanın Madrid şəhərində keçirilib. Konfransda bir sıra toy, banket və tədbir sənayesi peşəkarları, eləcə də görkəmli məruzəçilər iştirak edib. 30 ölkədən 250-yə yaxın iştirakçının iştirak etdiyi konfransda dayanıqlı təşkilatlar, brendinq, toy və tədbir sektorunda trendlər mövzusunda müxtəlif simpoziumlar keçirilib.

Türkiyə mərasimdən mükafatlandırma və ev sahibliyi məsuliyyəti ilə geri qayıdıb.

Konfrans, bu ilki tədbirdə baş tutan mükafatlandırma mərasimində “birinci yeri” Türkiyəyə təqdim etdi. 20 kateqoriyadan ibarət RSVP Qlobal Mükafatları, Türkiyəni Destinasiya kateqoriyasında Sevimli Destinasiya Mükafatı ilə təltif etdi.

Mərasimdə növbəti konfransın 2-5 aprel 2024-cü il tarixlərində İstanbulda keçiriləcəyi də bildirilib. Tədbirdə həm də bildirilib ki, İstanbul dünya səviyyəli mərasim və şənlikləri mükəmməl təşkil edə bilir və bu günün müasir şəhərlərindən biridir.

Türkiyə Toy Turizmində "Sevimli Destinasiya"!

Türkiyə Şərqin qədim ənənələrini Qərbin müasir keyfiyyətləri ilə birləşdirən mədəni irsi, eləcə də müxtəlif və bənzərsiz mətbəxi və limitsiz alış-veriş imkanları ilə səyahət edənlərin bir nömrəli seçiminə çevrilib. Ölkə, nikahlarını bu əfsanəvi destinasiyada qeyd etmək istəyən cütlükləri qəbul etməyə hər zaman hazırdır. İstanbul, Bodrum, Antalya, Kapadokya, Göcek, Çeşme və Fethiye kimi turizm şəhərləri qonaqlama yerlərindən tutmuş qastronomiyaya qədər çoxlu sayda maraqlı seçimlər təklif edən məşhur istiqamətlər arasındadır. Gözəl yaradıcılığı və antik yeməkləri ilə ancaq cütlükləri deyil, həmçinin qonaqları da valeh edən bu cür toy və dəvətlərin hər bir detalını dəqiqliklə planlaşdıran xüsusi təlim keçmiş peşəkarlar mövcuddur.

İstanbul: Ənənə ilə müasirliyin birləşməsi

Türkiyənin “turizm paytaxtı” İstanbul toylar üçün ən populyar variantlardan biridir. Şərqlə Qərb arasında körpü olan İstanbulun bənzərsiz ab-havası, dünyanın demək olar ki, hər yerindən birbaşa uçuşlar təklif edən hava yolları sayəsində müxtəlif qitələrdən gələn ziyarətçilərin bura asanlıqla çata bilməyi ən böyük üstünlüyüdür. İstanbulun göstərişli və dəbdəbəli otellərində 200-dən 2000-ə qədər qonaq qəbul edə biləcək qapalı və açıq məkanlar var. Möhtəşəm memarlığı və ən müasir infrastrukturu ilə bu otellərdə cütlüklərin romantikadan həzz ala biləcəyi və ömür boyu davam edəcək xatirələr yarada biləcəyi ziyafət salonları, termal hamamları və yamyaşıl bağları mövcuddur.

İstanbulun toy məkanları təkcə lüks otellərlə məhdudlaşmır. Osmanlı İmperiyasının keçmiş paytaxtı olan bu şəhərin özünəməxsus gözqamaşdırıcı sarayları və malikanələri var. Onların əksəriyyəti ilkin formada bərpa edilmiş və müasir elementlərlə təchiz edilmişdir. Əksəriyyəti Boğazda yerləşir, sizə heyrətamiz mənzərələr və möhtəşəm toy üçün mükəmməl şərait yaradır!

Bodrum: təmtəraqlı toylar üçün qaçırılmaz bir destinasiya

Egey bölgəsinin ən məşhur lüks istirahət mərkəzlərindən biri olan Bodrum romantik toylar üçün gözəl bir mühit təqdim edir. İstanbul kimi Bodruma da bir çox ölkənin paytaxtlarından birbaşa uçuşlarla asanlıqla getmək olar.

Toy məkanları baxımından Bodrumda 150-1000 qonaq qəbul edə bilən çox yönlü qapalı və açıq tədbir məkanları olan dünya səviyyəsində məşhur lüks və romantik otel şəbəkələri var. Toyların başdan axıra qədər planlaşdırılması və idarə olunması üzrə mütəxəssisləri bir araya gətirən Bodrum məkanları bəylə gəlinin xəyallarını reallaşdırmaq üçün lazım olan bütün xidmətləri təqdim edir.

Bodrumun dünyada məşhur olan çimərliklərindən birində evlənmək istəyən cütlüklər bölgənin 5 ulduzlu istirahət mərkəzlərini və ya daha səmimi və bənzərsiz atmosferi olan toy məkanlarını seçə bilərlər.