Martın 31-də Gürcüstan larisinin Azərbaycan manatına qarşı rəsmi məzənnəsi 0,4943 manat təşkil edib. 

Valyuta.az-ın "APA-Economics"-ə istinadən verdiyi xəbərə görə, bu, son 5,4 il ərzində (beş il üç ay) qeydə alınan ən aşağı göstəricidir.

Bu gün larinin manata qarşı məzənnəsi cüzi artaraq 0,4974 manat təşkil etsə də, ötən günü nəzərə almasaq, bu göstərici də son beş ilin minimumuna enib. Larinin bundan aşağı dəyəri sonuncu dəfə 2015-ci ilin 18 dekabr tarixində qeydə alınmışdı – 0,4385 manat.

Qeyd edək ki, son 5 ildə larinin manata qarşı məzənnəsi ən yüksək həddə 2016-cı ilin avqustun 22-də çatmışdı – 0,7179 manat.