Sevilməyən bir rəhbərlə işləmək işçilərə bir neçə cəhətdən təsir edə bilər. Bu təsirlər həm emosional, həm də peşəkar sahədə baş verə bilər. Bu təsirlərin istiqaməti haqqında danışaq.

Emosional təsir

Motivasiya azalır - İşçilər sevdikləri rəhbərlərlə daha motivasiyalı işləyə bilərlər. Rəhbər tərəfindən dəstək gördükdə bu sizin iş mühitində həm fərdi, həm də komanda ilə olan fəaliyyətinizə müsbət təsirləri olur. Günün sonunda ortaya qoyduğunuz iş məhsuldar olur. Gördüyünüz işə, özünüzə qarşı olan hörmətiniz artır. 

Sevilməyən rəhbərlə çalışmaq, motivasiyanı azalda bilər. Bu, o qədər rahatsız edici bir vəziyyətdir ki, sizin işinizin keyfiyyətinə də təsir edir. Tək düşündüyünüz rahatsız olduğunuz mühitdən, insanlaradan uzaqlaşmaqdan başqa heçnə olmur.

Stress yaradır, gərgin olursunuz - Rəhbərliklə uyğunsuzluq, iş mühitində gərginliyin artmasına səbəb ola bilər. Bu, uzun müddət işlədikdə stress yarada bilər. Gün boyu özünüzə, ətrafınıza qarşı aqressiv olursuz. Zamanla həm siz, həm də ərtafınız bu ruh halınızdan narahat olur. Ən pisi də stress və gərginliyə görə, insanın özünə yadlaşmağıdır.  

Özünə inamsızlıq yaradır - Rəhbərdən gələn tənqidlər, işçinin özünə inamını sarsıda bilər. Bu, işçi üçün çətin vəziyyətlər yarada bilər. Əslində, tənqidlər iş etikasına uyğun şəkildə olarsa, bu, normaldır. Əksinə, sizin özünüzə işinizə olan inamı yox edəcək formada, hələ bir də iş yoldaşlarınızın gözü qarşısında olduqda özünə inamsızlıq yaradır. “Görəsən, mən bu işə uyğunam”, “bəlkə səhv yerdəyəm” deyə özünüzü sorğulayırsız. Özünüzdən, gördüyünüz işdən şübhə etməyə başlıyırsız.

Peşəkar təsir

İş performansınız azalır - Sevilməyən bir rəhbərlə işləmək, işçinin performansına mənfi təsir göstərə bilər. İşçi, rəhbəri qane etməyə çalışarkən daha az yaradıcılıq və təşəbbüs göstərə bilər. 

Komanda ruhunun zədələnməsi baş verir - Rəhbər işçi arasında gərginlik yarada bilər, bu da komanda işini və əməkdaşlığı zəiflədir.

Karyerada inkişaf getmir – Rəhbərliklə münasibətlərin gərgin olması, karyera inkişafına təsir edə bilər. Rəhbərdən müsbət geribildirim almaq çətinləşə bilər. Qarşınıza daha yaxşı iş fürsəti çıxdıqda olduğunuz işdən ayrılmaq istəyə bilərsiz. Bu normaldır. Müsahibəyə getdikdə CV-də daha çox son olduğunuz iş yerinə baxırlar. Əvvəlki iş yerinizdə rəbhər şəxs tərəfindən müsbət geribildirim almadıqda, bu fürsəti əldən verə bilərsiz.

Şəxsi təsir

İş-həyat balansı pozula bilir - Gərgin iş mühiti, şəxsi həyatınıza da mənfi təsir göstərə bilər. İşdə yaşanan stress, evdə də özünü göstərə bilər. İş və şəxsi həyatımızı ayırd edə bilmiriksə, bir çox problemlər yaranır. Çalışmalıyıq ki, özümüzə qarşı xoş olmayan davranışları, deyilən sözləri başqasına qarşı etməyək. Sonda üzr istəmək istəmirsizsə, üzr istənəcək davranışlara yol verməyək.

Komanda ilə münasibətlərdə də problem yaranır - İş mühitindəki gərginlik, işçinin digər iş yoldaşları ilə münasibətlərinə də təsir edə bilər. Rəhbərliklə yaşanan çətinliklər, komanda daxili dinamikaları poza bilər. Sən özünü iş yoldaşlarından uzaqlaşdırdıqca onların hər hərəkəti sözləri sizə təsir edir. Ortaq bir fikirdə olmadığınız şəxslərlə kollektiv iş görmək çətinləşir. 

Nəticə

Sevilməyən bir rəhbərlə işləmək, həm emosional, həm də peşəkar sahədə bir sıra çətinliklər yarada bilər. Bu cür vəziyyətlə başa çıxmaq üçün işçilər, öz hisslərini başa düşmək və müvafiq strategiyalar inkişaf etdirmək üçün çalışmalıdırlar. Rəhbərliklə müsbət münasibətlərin qurulması, iş mühitinin keyfiyyətini artırmaq üçün önəmlidir.