“Bazarlarda biz buna sadəcə məhsul satışı kimi baxmırıq. Getdiyimiz ölkədə "Trendyol"un digital və texnoloji ekosistemin bir parçası olması, onun bir gücü halına gəlməsi bizim üçün çox vacibdir. Azərbaycan bazarına girdiyimiz ilk gündən bəri etməyə çalışdığımız şey budur. Fərqli-fərqli sahələrdə digital ekosistemi inkişaf etdirmək üçün əlimizdən gələni bundan sonra da davam etdirəcəyik”.

Valyuta.az xəbər verir ki, bunu “Trendyol Group”un baş icraçı direktoru Erdem İnan Bakıda “Trendyol” ofisinin açılışında deyib.

O, bildirib ki, bu il etibarilə Azərbaycanda 2 milyard dollara yaxın elektron ticarət həcmi var. 2030-cu ilə qədər bu bazarın ildən-ilə ortalama 13% artması gözlənilir:

“Bu səbəbdən demək olar ki, Azərbaycanda elektron ticarət yolun başlanğıcındadır. Bir çox məhsulu və təcrübəni Türkiyədən, xarici ölkələrdən öyrəndiyimiz üçün bunu addım-addım Azərbaycan bazarına “Paşa Group”la birgə işləyərək gətirmiş olacağıq. Bu, bizim üçün çox ümidverici işdir. 2028-ci il hədəflərimiz Azərbaycanda milyard dollara yaxın ticarət həcmi yaratmaqdır. 3 milyon müştərimizə ildə 60 milyona yaxın məhsul çatdırmağı planlayırıq. Bunu daha əvvəl bəhs etdiyim digital ekosistemin bütün paylaşımları ilə birgə yaradacağıq. Bizim üçün müştərilər, satıcılar, infuluncerlər, media nümayəndələri, logistik partnyorlar, banklar və s. bunlar bu ekeosistemin bir parçasıdır” – E.İnan əlavə edib.