Bu ilin avqust ayının 31-inə olan məlumata görə, Azərbaycanda fəaliyyət göstərən banklar tərəfindən sahibkarlıq subyektlərinə 13 milyard 999.8 milyon manat biznes krediti verilib.

Valyuta.az Mərkəzi Banka istinadən xəbər verir ki, biznes krediti portfeli ötən ilin eyni dövrü ilə müqayisədə 2 milyard 178 milyon manat və ya 18,4 % artıb. Ötən ilin eyni dövründə bankların biznes krediti portfelinin həcmi 11 milyard 821.8 milyon manat olub.

Hesabat dövründə orta sahibkarlıq subyektlərinə 1 milyard 747,4 milyon manat kredit verilib ki, bu da, illik müqayisədə 745,4 milyon manat və ya 30 % azdır. Bununla yanaşı, kiçik sahibkarlıq subyektlərinə 1 milyard 522,3 milyon manat kredit verilib ki, bu da, illik müqayisədə 198,7 milyon manat və ya 11,5 % azalıb. Yəni, bu iki sahibkarlıq subyektlərinə verilən kreditlər son bir ildə 944,1 milyon manat azalıb.

Əvəz Həsənov