Azərbaycanla Avropa İttifaqı ölkələri arasında bu ilin 4 ayında ticarət dövriyyəsinin həcmi 5 milyard 305 milyon ABŞ dolları təşkil edib.

Valyuta.az Gömrük Komitəsinə istinadən xəbər verir ki, bu, 2023-cü illə müqayisədə 1,7 dəfə azdır.

Belə ki, bu, 2023-cü ilin yanvar-aprel aylarında 9 milyard 475 milyon 412 min ABŞ dolları təşkil edib. 

Hesabat dövründə Azərbaycanın Avropa İttifaqı ölkələrinə ixracının həcmi 4 milyard 517 milyon 421 min ABŞ dolları təşkil edib ki, bu, 2023-cü ilin müvafiq dövrü ilə müqayisədə 1,8 dəfə azdır. 2023-cü ilin yanvar-aprel aylarında Azərbaycanın Avropa İttifaqı ölkələrinə ixracının həcmi 8 milyard 460 milyon 125 min ABŞ dolları təşkil edib.  

Azərbaycanın Avropa İttifaqı ölkələrindən idxalının həcmi 787 milyon 600 min ABŞ dolları təşkil edib. Bu, 2023-cü ilin yanvar-aprel ayları ilə müqayisədə 227 milyon 697 min ABŞ dolları, yaxud da 22,4 % azdır. 2023-cü ilin yanvar-aprel aylarında Azərbaycanın Avropa İttifaqı ölkələrindən idxalının həcmi 1 milyard 15 milyon 287 min ABŞ dolları olub.   

Azərbaycanla Portuqaliya arasında ticarət dövriyyəsinin həcmi 2024-cü ilin yanvar-aprel aylarında 122 milyon 628 min ABŞ dolları olub ki, bu da 2023-cü illin müvafiq dövrü ilə müqayisədə 1,8 dəfə çoxdur. Portuqaliyaya ixrac 117 milyon 431 min ABŞ dollar olub ki, bu da 2023-cü ilin müvafiq dövrü ilə müqayisədə 1,8 dəfə çoxdur, Portuqaliyanın idxalı isə 5 milyon 197 min ABŞ dolları olub, bu da 2023-cü ilin müvafiq dövrü ilə müqayisədə 32,2 % çoxdur. 

Azərbaycanla İtaliya arasında ticarət dövriyyəsinin həcmi 3 milyard 42 milyon 408 min ABŞ dolları olub, bu, 2023-cü ilin müvafiq dövrü ilə müqayisədə 48,5 % azdır. Azərbaycanın İtaliyaya ixracının həcmi 2 milyard 897 milyon 401 min ABŞ dollar təşkil edib. Bu, 2023-cü illə müqayisədə 49,7 % azdır. İtaliyadan idxalın həcmi 145 milyon 70 min ABŞ dollar təşkil edib. Bu, 2023-cü illin müvafiq dövrü ilə müqayisədə  3,6 % çoxdur. 

Azərbaycanla Almaniya arasında ticarət dövriyyəsinin həcmi 552  milyon 144 min ABŞ dollar təşkil edib. Bu, 2023-cü ilin müvafiq dövrü ilə müqayisədə 4,6 % azdır. Almaniyaya ixracın həcmi 304 milyon 994 min ABŞ dollar təşkil edib. Bu, 2023-cü ilin müvafiq dövrü ilə müqayisədə 3,3 % azdır.  Almaniyadan Azərbaycana idxalın həcmi 6,1 % azalaraq 247 milyon 150 min ABŞ dollar təşkil edib. 

Hesabat dövründə Azərbaycanla Çexiya arasında ticarət dövriyyəsinin həcmi 17,6 % azalaraq 290 milyon 964 min ABŞ dollar təşkil edib. Azərbaycanın Çexiyaya ixracının həcmi 2024-cü ilin yanvar-aprel aylarında 272 milyon 822 min ABŞ dollar təşkil edib ki, bu da 2023-cü ilin yanvar-aprel ayları ilə müqayisədə 15,7 % azdır. Çexiyadan idxalın həcmi isə 18 milyon 142 min ABŞ dollar təşkil edib ki, bu da 2023-cü ilin müvafiq dövrü ilə müqayisədə 1,6 dəfə azdır. 2023-cü ildə bu göstərici 29 milyon 451 min ABŞ dollar olub. 

Azərbaycanla Yunanıstan arasında ticarət dövriyyəsinin həcmi 2024-cü ilin yanvar-aprel aylarında 190 milyon 268 min ABŞ dollar təşkil edib. Bu, 2023-cü ilin müvafiq dövrü ilə müqayisədə 3 dəfə azdır. Yunanıstanla ticarət dövriyyəsinin həcmi 2023-cü ilin yanvar-aprel aylarında 585 milyon 206 min ABŞ dollar təşkil edib. 

Azərbaycanın Yunanıstana ixracının həcmi 170 milyon 716 min ABŞ dollar olub ki, bu da 2023-cü ilin müvafiq dövrü ilə müqayisədə 3,3 dəfə azdır. Bu, 2023-cü ilin müvafiq dövründə 579 milyon 230 min ABŞ dollar olub. Yunanıstanın idxalının həcmi 19 milyon 552 min ABŞ dollar olub. Bu da 2023-cü ilin müvafiq dövrü ilə müqayisədə 3,2 dəfə çoxdur. 

Nara