İş müsahibəsinə getməzdən əvvəl yaxşı hazırlaşsanız belə, diqqətdən kənarda yayınan səhvlərə yol verməyiniz arzuladığınız işinizə baha başa gələ bilər. Müsahibəyə gedən zaman olunan altı səhvi təqdim edirik.

1 - Həddindən artıq “jarqon” ifadələrdən istifadə etmək.

Demək olar ki, hər bir iş müsahibəsində sizə əvvəlki iş təcrübəniz və ya akademik tədqiqatınız haqqında məlumat vermək imkanı verilir. Bu arada, işinizi təsvir edərkən çox jarqon istifadə etmək sizin üçün yaxşı olmayacaq. Çünki qarşınızdakı insan da sizin qədər biliklidir.
Bunun əvəzinə, bacarıqlarınızı gündəlik vəziyyətlərdə necə tətbiq edə biləcəyiniz barədə konkret nümunələr göstərməklə məlumat verin.

2 - Zəif tərəflərinizi müsbət keyfiyyət kimi göstərməkdən çəkinin.

Potensial işəgötürəniniz zəif tərəfləriniz barədə soruşduqda; “Mən mükəmməl bacararam” kimi cavablar verməklə zəif cəhətlərinizi müsbət xüsusiyyətlərə çevirməyə çalışmayın.
Bunun əvəzinə dürüst və həssas olun.

3 - Bilmədiyiniz mövzu olan zaman bilirmiş kimi davranmayın.

Xəyal etdiyiniz işi yerinə yetirmək üçün tələb olunan bütün keyfiyyətlərə cavab verdiyinizi söyləyə bilərsiniz. Ancaq bu vəziyyət işəgötürənin sizə verəcəyi kiçik bir testlə ortaya çıxa bilər. Belə vəziyyətə düşməmək üçün dürüst olun. Nəyisə bilmədiyinizi söylədikdə öyrənməyə açıq olduğunuzu göstərin.

4 - Müsahibədən əvvəl şirkət haqqında araşdırma etməmək.

Müsahibə zamanı soruşa bilərlər ki, niyə şirkətdə işləmək istəyirsiniz. Müraciət etdiyiniz şirkəti araşdırmadan "Sizin həmkarınız olmaqdan məmnun olaram" cavabını versəniz, səhv etmiş olarsınız.

Bunun əvəzinə şirkət haqqında bir az araşdırma aparın. Müsahibədə qeyd etmədikləri məqamlara toxunun.

5 - Həddindən artıq peşəkar olmağa çalışmaq.

İş müsahibəsi zamanı həmişə peşəkar görünməlisiniz. Bununla belə, peşəkar və ciddi görünmək istəyərkən əsl özünüzü gizlədə bilərsiniz.
Şəxsiyyətinizin ən yaxşı tərəfinin parlamasına icazə verin. Həddini aşmadan həvəsli olun.

6 - Gərginliyinizi davranışınıza əks etdirmək
Bir çox insanın müsahibə zamanı əsəbi olması tamamilə təbiidir. Söhbət zamanı ayağınıza toxuna, qələmə basa, ayağınızı silkələyə və ya göz təmasını saxlaya bilməyəcəksiniz. Bu davranışlar sizin işə götürülməməyinizə səbəb ola bilər.
Müsahibədən əvvəl dostlarınızla məşq edə və harada səhv etdiyinizi görə bilərsiniz.

NTV