“Boeing” içində olduğu böhranı aradan qaldırmaq üçün səhm satışlarına müraciət edib. Şirkət pul axınının qarşısını almaq üçün ən azı 10 milyard dollar dəyərində səhm satacaq.

Valyuta.az-ın verdiyi xəbərə görə, bu ilin əvvəlində “737 MAX” təyyarəsində baş verən insidentdən və bu yaxınlarda istehsalatı dayandıran işçilərin tətilindən sonra ortaya çıxan keyfiyyət problemləri səbəbindən “Boeing” çətin anlar yaşayır.

Şirkət növbəti üç il ərzində 25 milyard dollara qədər səhm və ya borc buraxa biləcəyini açıqladı və 10 milyard dollarlıq yeni kredit müqaviləsi imzaladı.

Mənbələrə görə, bu yeni addım çərçivəsində “Boeing”in 10 milyard dollar dəyərində səhm satacağı gözlənilir. Şirkət, “Bunlar likvidliyə çıxışı dəstəkləmək üçün atılan ehtiyatlı addımlardır” - deyə bildirib.

İlin əvvəlində 250 dollar civarında olan “Boeing”in səhmləri hazırda 152 dollardır. “Analitiklər Boeing”in qısa müddətli nağd pul çatışmazlığını həll etmək qabiliyyətini alqışlayıblar və eyni zamanda növbəti illərdə daha çox vəsait cəlb etmək üçün zəmin hazırladılar.

Əvəz Həsənov