Kriptovalyuta sənayesinin əsas birjalarından biri olan “Crypto.com” ABŞ Qiymətli Kağızlar və Birja Komissiyasına (SEC) qarşı iddia qaldırdığını açıqlayıb. 

Valyuta.az-ın məlumatına görə, şirkət bu addımı ABŞ kripto sənayesinin gələcəyini qorumaq üçün atdığını bildirib.

Açıqlamada, SEC-in öz səlahiyyətlərini aşaraq kripto aktivlərinin tənzimlənməsi ilə bağlı səhv və ədalətsiz bir yol tutduğu vurğulanıb. 

“Crypto.com” SEC-in bütün kripto aktivlərini qiymətli kağızlar kimi tətbiq etmə yanaşmasını tənqid etsə də, “Bitcoin” (BTC) və “Ethereum” (ETH) əməliyyatlarının niyə bu kateqoriyadan azad edildiyinə diqqət çəkib. Şirkət SEC-in bu özbaşına qərarlarının hüquqi proseslər çərçivəsində ictimaiyyətə açıqlanmadan qəbul edildiyini bildirib.

Əvəz Həsənov