Yaponiyanın ən yaxşı 225 şirkətinin səhmlərinin qiymətlərini izləyən Tokio Fond Birjasının əsas Nikkei indeksi bazar ertəsi ticarətində sərmayəçilərin gələn baş nazir Şigeru İşibanın iqtisadi siyasətlərindən narahat olması səbəbindən 4,65% azalaraq 38,063 punkta düşüb. 

Valyuta.az xəbər verir ki, bunu ticarət məlumatları sübut edir.

Ticarətin bağlanışına qədər indeks 37,845 bəndədək azalıb - günün yekun düşməsi 4,8% təşkil edib.

"Pul siyasətinin normallaşdırılması zəruridir", - Baş nazir postu uğrunda yarışda qalib gələn İşiba deyib.

Son bir neçə il ərzində Yaponiya Bankı bazarı stimullaşdırmaq və çoxillik deflyasiya dövrünə son qoymaq üçün həddindən artıq boş pul siyasəti həyata keçirib. Yazda tənzimləyici mənfi dəyərə malik əsas faiz dərəcəsini son 17 ildə ilk dəfə artırıb və iyulun sonunda inflyasiyanın hədəfi aşması fonunda onu 0,25%-ə qaldırıb.

Bundan sonra Yaponiya Bankı zəif iqtisadi statistika fonunda pul siyasətini sərtləşdirməsinin avqustun əvvəlində dünya fond bazarlarını çökdürən əsas amillərdən biri olduğuna görə tənqid edilib.

Nicat