Bankların ipoteka kreditləri üzrə renkinqi bəlli olub. 

Valyuta.Az xəbər verir ki, ən çox daşınmaz əmlak krediti verən korporativ bank "Azərbaycan Beynəxalq Bankı" olub. Belə ki, dövlət bankının ipotek kreditinin həcmi 685 milyon 808 min manat olub. Onu 228 milyon 29 min manatla "Kapital Bank", 111 milyon 44 min manatla isə "Muğan Bank" izləyir.

Ən az ipoteka krediti verən korporativ bank isə 13 milyon 493 min manatla "Yapı Kredi Bank" olub. 

Ən çox ipotek kreditinə sahib riteyl bank isə 66 milyon 924 min manatla "Rabitə Bank" olub. Siyahıda 61 milyon 857 min manatla "Turan Bank", 58 milyon 387 min manatla "Uni Bank" izləyir.

Riteyl banklar arasında ən az daşınmaz əmlak kreditini isə "Access Bank" verib. Belə ki, onun ipotek kreditlərinin həcmi 7 milyon 346 min manat olub.

Xatırladaq ki, İpoteka və Kredit Zəmanət Fondunun xətti ilə indiyədək 32 min 812 ədəd ipoteka krediti verilib.

Qeyd edək ki, “Azərbaycan Sənaye Bankı”, “Bank BTB”, “Xalq Bank”, “Bank Melli İran”, “Naxçıvan”, “Paskistan Milli Bankı”, “Pasha Bank” “Yelo Bank” və “ZiraatBank”ın natamam hesabatlarına görə onların biznes kreditlərinin məbləğini hesablamaq mümkün olmayıb.