Kartla ödənişlərin həcmi 16% artıb
2021-ci ilin fevralında Azərbaycanda debet və kredit kartları vasitəsilə aparılan əməliyyatların sayı və həcmi artıb.
Valyuta.az-ın Mərkəzi Bankdan əldə etdiyi məlumata əsasən, ötən ay kartlarla 2 milyard 595 milyon manat məbləğində ödəniş reallaşdırılıb. Bu, yanvar ayı ilə müqayisədə 16% və ya 358 milyon manat çoxdur. Yanvarda debet və kredit kartları vasitəsilə aparılan əməliyyatların həcmi 2 milyard 237 milyon manat olub.
2020-ci ilin fevralında isə bu göstərici 2 milyard 216 milyon manat olub. Bir ildə kartlarla ödənişlərdə 379 milyon manat artım qeydə alınıb.
Bu ilin fevralında debet kartları ilə aparılan əməliyyatların ümumi məbləği 2 milyard 437 milyon manat olub. Yanvar ayı ilə müqayisədə həmin məbləğ 350 milyon manat artıb.
Kredit kartları ilə aparılan əməliyyatların həcmi isə 7 milyon manat artaraq 157 milyon manata çatıb.
Mətndə səhv varsa, onu qeyd edib ctrl + enter düyməsini basaraq bizə göndərin.
Son xəbərlər
Ən çox oxunanlar
- Bu gün
- Bu həftə
- Bu ay
