Azərbaycanda fəaliyyət göstərən 26 bank arasında 9 bankın istehlak kreditləri üzrə renkinqi açıqlanmayıb. “Azərbaycan Sənaye Bankı”, “Bank BTB”, “Xalq Bank”, “Bank Melli İran”, “Naxçıvan”, “Paskistan Milli Bankı”, “Pasha Bank” “Yelo Bank” və “ZiraatBank” digər banklarla müqayisədə natamam hesabat verdikləri üçün onların istehlak kreditlərinin həcmini hesablamaq mümkün olmayıb.

Valyuta.Az xəbər verir ki, korporativ banklar arasında ən çox istehlak kreditlərini “Kapital Bank” verib. O, 2020-ci ilin sonunadək 1 milyard 365 milyon manatla birinci yerdə dura bilib.
“Azərbaycan Beynəlxalq Bankı”  isə  2020-ci ilin sonunadək 599 milyon 930 min istehlak kreditləri ilə siyahıda ikinci yeri, 42 milyon 243 min manatla isə “Azər Türk Bank” üçüncü yeri tutub.

Ən az istehlak krediti verən korporativ bank isə 2 milyon 200 min manatla “Günay Bank” olub. Onu 2 milyon 358 min amantla “Premium Bank”, 7 milyon 496 min amantla isə “Bank Avrasiya” izləyir. 

Retail banklar arasında isə 308 milyon 339 min manatla “Uni Bank” liderlik kreslosuna əyləşə bilib. İkinci sırada 229 milyon 712 min amantla “Bank of Baku”, üçüncü sırada isə 114 milyon 23 min manatla “Express Bank”qərarlaşıb.

Ən az istehlak krediti verən Retail bank isə 20 milyon 855 min manatla “Bank VTB” (Azərbaycan) olub.