Əmanətlərin Sığortalanması Fondu (ADİF) ləğv prosesində olan bankların müştərilərindən kredit borclarını yığa bilmir.

Valyuta.Az Bakı Apellyasiya məhkəməsinə istinadən xəbər verir ki, ADİF hər gün kredit müqaviləsi üzrə mübahisələrə görə bankların kredit borclu müştərilərini məhkəməyə verir.

Bu gün ərzində Şərafət Məmmədovanın hakimliyi ilə keçiriləcək apellyasiya məhkəməsində ADİF bir neçə bank adından müştərilərlə üz-üzə gələcək. Belə ki, dövlət qurumu ləğv prosesində olan "Dəmirbank" adından Hümbətova Nailə Fəxrəddin qızı və İbrahimova Ziniyət Allahverdi qızı ilə, "Texnika Bank" adından Əliyev Kəramət Etibar oğlu ilə, "Zamin Bank" adından Xələfov Alim Ağaşirin oğlu və "Bank Standart" adından Namazov İftixar Bayram oğlu ilə üzləşəcək.

Ləğv prosesində olan bankların müştəriləri banka olan borcunu ödəmədikləri üçün dövlət qurumu da məsələnin həllini məhkəmədə tapıb.