Azərbaycanda fəaliyyət göstərən bankların cəmi öhdəliklər üzrə renkinqi bəlli olub.

Valyuta.Az xəbər verir ki, 2020-ci ilin sonunda ən yüksək cəmi öhdəliklərə “Azərbaycan Beynəlxalq Bankı” sahib olub. Belə ki, dövlət bankının cəmi öhdəlikləri 7 milard 636 milyon 190 min manata bərabər olub. Bu da siyahıda ikinci sırada olan “Pasha Bank”dan 2 milyard 664 milyon 314 min manat çoxdur. 

Siyahıda üçüncü sırada isə 4 milyard 593 milyon 277 min  manat cəmi öhdəliklə “Kapital Bank” qərarlaşıb.

Ən az cəmi öhdəliyə isə 88 milyon 556 min manatla “Bank Avrasiya” sahib olub. Ən az cəmi öhdəlik sırasında 123 milyon 417 min manatla “Bank VTB” ikinci, 179 milyon 965 min manatlıq cəmi öhdəliklə isə “Günay Bank” üçüncü sırada qərarlaşıb.