Bu gün Bakı Fond Birjasında Azərbaycan Respublikasının Mərkəzi Bankının (ARMB) 50101189S dövlət qeydiyyat nömrəli, 150 milyon manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.

Bakı Fond Birjasından Valyuta.az-a verilən xəbərə görə, hərrac zamanı 14 investor tərəfindən qiymət intervalı 99.5167 (6.24%) və  99.5543 (5.76%) olan 22 sifariş təqdim edilib. Sifarişlərin nominal qiymətlə ümumi məbləği 572,288,000.00 manat olub.

ARMB-nin qərarına əsasən notların kəsmə qiyməti 99.5543 (5.76%), orta ölçülmüş qiyməti isə 99.5543 (5.76%)  müəyyən edilmişdir. Hərrac nəticəsində notların yerləşdirilmiş həcmi 150,000,000.00 manat təşkil edib. 

Qeyd edək ki, notların son ödəmə tarixi martın 31-də olacaq.

Rövşən Ziya