“Pasha Bank” 2020-ci ilin yekununa olan hesabatını açıqlayıb.

Valyuta.Az bankın açıqladığı hesabata istinadən xəbər verir ki,  bankın müştərilərinə verdiyi xalis kreditləri 306 mln. 844 min manat artaraq 2 mlrd. 60 mln. manata  çatıb. Buna görə də bankın cəmi aktivləri 745 mln. 571 min manat artaraq 5 mlrd. 513 mln. manata yüksəlib. Bundan başqa bankda yerləşdirilən depozitlər 429 mln. 237 min manat artıb ki, bu da bankın cəmi öhdəliklərini 680 mln. 194 min manata yüksəldərək 4 mlrd. 971 mln. manata bərabər edib.

“Pasha Bank”ın cəmi kapitalı 65 mln. 377 min manat artaraq 541 mln. 145 min manat olub.

Bankın faiz gəlirləri 218 mln. 187 min manat, faiz xərcləri isə 45 mln. 33 min manat olub. Nəticədə bankın xalis faiz gəliri 20 mln. 295 min manata yüksələrək 175 mln. 738 min manata çatıb. “Pasha Bank”ın qeyri-faiz gəliri 95 mln. 208 min manat, qeyri-faiz xərcləri isə 143 mln. 912 min manat olub. Buna görə də bankın əməliyyat mənfəəti 19 mln. 967 min manat artaraq 127 mln. 34 min manata çatıb.

Bankın xalis mənfəəti 84 mln. 252 min manat olub.