“Rabitə Bank” 2020-ci ilin yekununa olan hesabatını açıqlayıb.

Valyuta.Az bankın hesabatına istinadən xəbər verir ki, sözügedən bankın xalis mənfəəti 2019-cu ilin sonu ilə müqayisədə 8 mln. 939 min manat və ya 80% azalaraq 2 mln. 180 min manata enib.

“Rabitə Bank”ın cəmi aktivləri 2019-cu ilin eyni dövrü ilə müqaysidə 90 mln. 932 min manat artaraq 830 mln. 916 min manata çatıb. Bunun əsas səbəbi bankın müştərilərinə verdiyi xalis kreditlərin  47 mln. 270 min manat artaraq  400 mln. 175 min manata çatmasıdır. 

Bundan başqa bankın cəmi öhdəlikləri 93 mln. 578 min manat artıb. Artımın böyük hissəsi bankda yerləşdirilən depozitlərin payına düşüb. Bankda yerləşdirilən depozitlər 1 il ərzində 45 mln. 301 min manat artaraq 546 mln. 172 min manata çatıb.

Bankın cəmi kapitalı isə 1 il ərzində 2 mln. 646 min manat azalaraq 98 mln. 715 min manata düşüb.

ƏMƏLİYYAT MƏNFƏƏTİ

Bankın faiz gəliri 46 mln. 173 min manat, faiz xərcləri isə 11 mln. 572 min manata çatıb. Nəticədə bank 34 mln. 601 min manat xalis faiz gəliri əldə edib. “Rabitə Bank”ın qeyri-faiz gəliri 13 mln. 953 min manat, qeyri-faiz xərcləri isə 30 mln. 530 min manat olub ki, bu da bankın 18 mln. 24 min manat əməliyyat mənfəəti əldə etməsinə səbəb olub.

Bankın məcmu kapitalı 1 il ərzində 10 mln. 595 min manat və ya 9% azalaraq 103 mln. 437 min manata düşüb.