2020-ci ilin sonunda Azərbaycanda fəaliyyət göstərən 26 kommersiya bankının cəmi xarici borcu 1,221 milyard manata qədər azalıb. 2019-cu ildə bankların cəmi xarici borcunun məbləği 1,645 milyard manat idi. Müqayisə göstərir ki, ötən il ərzində xarici öhdəliklər 424 milyon manat və ya 25,8 faiz azalıb.

Valyuta.Az xatırladır ki, ölkəmizdə 26 kommersiya bankı var. Onların 2-si dövlət, qalanı özəl bankdır. Özəl bankların 12-si xarici kapitallıdır.
 
Bankların xarici borclarının azalması 2015-ci ildəki devalvasiyalardan sonra davamlı hal alıb. Həmin ildə bankların 8,247 milyard manat həcmində xarici öhdəliyi var idi. 2017-ci ildə xarici borc 2,31 milyard manata, 2018-ci ildə 1,83 milyard manata qədər azalıb.
 
Xarici borcun öhdəliklərdəki payında da azalma müşahidə edilir. 2018-ci ildə öhdəliklərin 6,2 faizi xarici borcdan ibarət olduğu halda, 2020-ci ildə öhdəliklərin 3,81 faizi xarici borc olub (Sfera.az).