“Xalq Bank” 2024-cü ili 65 milyon 721 min manat mənfəətlə başa vurub.

Valyuta.az banka istinadən xəbər verir ki, bu, 2023-cü illə müqayisədə 26,2% və ya 13 milyon 651 min manat çoxdur. “Xalq Bank” 2023-cü ili 52 milyon 70 min manat mənfəətlə başa vurmuşdu.

2024-cü ildə bankın faiz gəlirlərinin dəyəri 183 milyon 965 min manat olub ki, bu da 2023-cü illə müqayisədə 13,8% və ya 22 milyon 332 min manat çoxdur. 2023-cü ildə bankın faiz gəlirlərinin dəyəri 161 milyon 633 min manat idi.  “Xalq Bank”ın qeyri-faiz gəlirlərinin dəyəri 2024-cü ildə 42 milyon 816 min manat təşkil edib ki, bu da əvvəlki illə müqayisədə 41,5% və ya 12 milyon 558 min manat artım deməkdir.

Bankın faiz xərclərinin dəyəri ötən ildə 47% və ya 16 milyon 16 min manat artaraq 50 milyon 143 min manat təşkil edib. 2023-cü ildə bankın faiz xərclərinin dəyəri 34 milyon 127 min manat olub.  Ötən il bankın qeyri-faiz xərcləri isə 99 milyon 474 min manata bərabər olub ki, bu da illik müqayisədə 24% və ya 19 milyon 247 min manat artım deməkdir. 2023-cü ildə bankın qeyri-faiz xərcləri 80 milyon 227 min manat idi. 

“Xalq Bank”ın 2024-cü ildə aktivlərinin dəyəri 3 milyard 68 milyon 845 min manat təşkil edib ki, bu da 2023-cü illə müqayisədə 0,4% və ya 13 milyon 702 min manat azdır.  Bu dövrdə bankın kredit portfeli (müştərilərə verilmiş kreditlər) 3,3% və ya 60,2 milyon manat artaraq 1 milyard 887 milyon 236 min manata çatıb.

Ötən il “Xalq Bank”ın cəmi öhdəlikləri 2 milyard 557 milyon 855 min manat təşkil edib ki, bu da illik müqayisədə 0,8% və ya 20,4 milyon manat azdır.

“Xalq Bank”ın 2024-cü ildə depozitlərin dəyəri 1 milyard 905 milyon 362 min manat təşkil edib ki, bu da illik müqayisədə 14,2% və ya 315 milyon 609 min manat azdır. Bankda 2023-cü ildə depozitlərin dəyəri 2 milyard 220 milyon 971 min manat olub.

Nara