“Xalq Bank”da bu ilin yanvar-sentyabr aylarında vaxtı keçmiş kreditlərin həcmi 50 milyon 4 min manat olub.

Valyuta.az bu barədə bankın maliyyə hesabatına istinadən xəbər verir.

Belə ki, bankda emal sənayesi üzrə vaxtı keçmiş kreditlərin həcmi 17 milyon 233 min manat olub. Bu, bankın vaxtı keçmiş kredit portfelinin 34,4%-ini təşkil edib.
Bu ilin yanvar-sentyabr aylarında vaxtı “Xalq Bank”da  kənd təsərrüfatı sektoru üzrə vaxtı keçmiş kreditlərin həcmi 1 milyon 755 min manat dəyərində olub. Bu, bankın vaxtı keçmiş kredit portfelinin 3,5%-ini təşkil edib. 

“Xalq Bank”da ticarət sahəsində vaxtı keçmiş kreditlərin həcmi 16 milyon 241 min manat olub. Bu, bankın vaxtı keçmiş kredit portfelinin 21,1%-ini təşkil edib. 

“Xalq Bank”da digər qeyri-istehsal və xidmət sahələri üzrə verilən kreditlərin həcmi 9 milyon 315 min manat təşkil edib. Bu, bankın vaxtı keçmiş kredit portfelinin 18,6%-ini təşkil edib.

“Xalq Bank”da bu ilin yanvar-sentyabr aylarında istehlak və ipoteka üzrə vaxtı keçmiş kreditlərin həcmi 5 milyon 324 min manat təşkil edib. Bu, bankın vaxtı keçmiş kredit portfelinin 10,6%-ini təşkil edib.

Xatırladaq ki, "Xalq Bank" 2004-cü ildə yaradılıb. Onun nizamnamə kapitalı 364,773 milyon manatdır. Bankın səhmlərinin 50%-i "İdeal Business Co." MMC-yə ("Xalq Sığorta" ASC-nin 50%-lik səhmdarı), 33,85 %-i "Euro Standard" MMC-yə ("Xalq Sığorta" ASC-nin 50%-lik səhmdarı), 16,15%-i isə “Foton” MMC-yə məxsusdur.

Nara