Bu ilin yanvar-sentyabr aylarında Azərbaycanda bir sıra bankların qiymətli kağızlara yatırdığı investisiyaların həcmi azalıb.

Valyuta.az bu barədə bankların maliyyə hesabatlarına istinadən xəbər verir.

Belə ki, bu ilin hesabat dövründə “Paşa Bank”ın qiymətli kağızlara yatırdığı investisiyaların həcmi 1 milyard 946 milyon 53 min manat olub ki, bu da 2023-cü ilin eyni dövrü ilə müqayisədə 14,2% və ya 324 milyon 575 min manat azdır. 2023-cü ilin 3-cü rübündə bankın qiymətli kağızlara investisiyalarının həcmi 2 milyard 270 milyon 628 min manat təşkil edib.
 
Bu ilin yanvar-sentyabr aylarında “Xalq Bank”ın qiymətli kağızlara investisiyalarının həcmi 297 milyon 397 min manat təşkil edib ki, bu da 2023-cü ilin eyni dövrü ilə müqayisədə 39,4% və ya 193 milyon 466 min manat azdır. 2023-cü ilin sonunda bankın qiymətli kağızlara investisiyalarının həcmi 193 milyon 466 min manat olub. 

“Bank Respublika”nın bu ilin hesabat dövründə qiymətli kağızlara investisiyalarının həcmi 46 milyon 966 min manat olub ki, bu da 2023-cü ilin eyni dövrü ilə müqayisədə 47,9% və ya 43 milyon 100 min manat azdır. 2023-cü ilin sonunda “Bank Respublika”nın qiymətli kağızlara investisiyalarının həcmi  90 milyon 66 min manat təşkil edib.

“Express Bank”ın qiymətli kağızlara investisiyalarnın həcmi 29 milyon 134 min manat olub ki, bu da 2023-cü ilin eyni dövrü ilə müqayisədə 56,7% və ya 37 milyon 976 min manat azdır. Bankın 2023-cü ilin eyni dövründə qiymətli kağızlara yatırdığı investisiyalarının həcmi 67 milyon 309 min manat olub.
 
Bu ilin hesabat dövründə “Unibank”ın qiymətli kağızlara yatırdığı investisiyalarının həcmi 66 milyon 285 min manat təşkil edib ki, bu da, 2023-cü ilin eyni dövrü ilə müqayisədə 17,1% və ya 13 milyon 673 min manat azdır. 2023-cü ilin eyni dövründə bankın qiymətli kağızlara yatırdığı investisiyalarının həcmi 79 milyon 958 manat təşkil edib.

Nara