Avqust ayında bir müştəriyə orta hesabla 63579 manat ipoteka krediti verilib.

Bu ilin əvvəli ilə müqayisədə 2523 manat çoxdur.

Valyyuta.az xəbər verir ki, vətəndaşlar bu kreditləri orta hesabla 281 aya götürüblər.

İpoteka kreditlərinin orta faiz dərəcəsi 6,37 faiz olub.

İpoteka krediti götürənlər hər ay orta hesabla  452 manat 50 qəpik ödəyiblər.

Qeyd edək ki, ipoteka kreditlərinin aylıq ödəniş məbləği ilin əvvəli ilə müqayisədə təxminən 20 manat artıb.

Bu ilin yanvar-avqust aylarında İpoteka və Kredit Zəmanət Fondunun (İKZF) xətti ilə 337,7 milyon manat kredit verilib.

Bu, ötən ilin eyni dövrü ilə müqayisədə 3,4 % azdır.

Hesabat dövründə Fondun yenidən maliyyələşdirdiyi kreditlərin məbləği isə 10,1 % azalaraq 280,7 milyon manat olub.

İl ərzində İKZF-nin istiqraz buraxmaqla cəlb etdiyi vəsaitin məbləği 59,1 % artaraq 350 milyon manata çatıb, Fonda dövlət büdcəsindən ayrılmış vəsaitin məbləği isə dəyişməyərək 65,7 milyon manat qalıb.

© Modern.az