Mərkəzi Bank “Bank BTB”nin vəzifəli şəxsini cərimələyib.

Valyuta.az xəbər verir ki, AMB tərəfindən cari nəzarət prosesləri çərçivəsində bankda “Banklar haqqında” Qanunun 35.4-cü maddəsinin, “Kredit təşkilatlarının borcalanları haqqında məlumatın Mərkəzləşdirilmiş Kredit Reyestrinə verilməsi Qaydası”nın 3.3-cü bəndinin tələblərinin pozulması aşkarlanıb. 

Başqa sözlə, “Bank BTB” kredit reyestrinə aid olan məlumatların ötürülməsinə yalnışlığa yol verib və ya məlumatları vaxtında və düzgün formada təqdim etməyib.  

İnzibati Xətalar Məcəlləsinin 440.1-ci maddəsinə müvafiq olaraq Bank “BTB” ASC-nin vəzifəli şəxsi 2 min manat məbləğində cərimə edilib.

Pünhan