“Xalq Bank”ın bu ilin yanvar-iyun aylarında qiymətli kağızlara investisiyalarının həcmi 336 milyon 482 min manat təşkil edib.

Valyuta.az bu barədə bankın maliyyə hesabatına istinadən xəbər verir.

Bu, 2023-cü ilin birinci yarısı ilə müqayisədə 14,9 % və ya 59 milyon 170 min manat azdır.
2023-cü ilin birinci yarısında bankın qiymətli kağızlara investisiyalarının həcmi 395 milyon 652 min manat olub. 

Bu ilin iyulun 1-nə bankın aktivləri ilin əvvəli ilə müqayisədə 0,4 % artaraq 3 milyard 95 milyon manata çatıb. Cari ilin ilk 6 ayında "Xalq Bank"ın kredit portfeli (müştərilərə verilmiş kreditlər) 3,5 % və ya 64.3 milyon manat artaraq 1 milyard 891.2 milyon manata bərabər olub.
Hesabat dövründə  "Xalq Bank"ın  öhdəlikləri 2 milyard 615.9 milyon manat təşkil edib ki, bu da ilin əvvəlinə nisbətən 1.5 % və ya 37.6 milyon manat çoxdur.

Nara