“AFB Bank” ASC-nin 2024-cü ilin yanvar-iyun aylarında aktivlərinin həcmi 297 milyon 511 min manat olub. 

Valyuta.az bankın maliyyə hesabatına istinadən xəbər verir ki, bu, 2023-cü ilin sonu ilə müqayisədə 10 %, yaxud da 33 milyon 511 min manat azdır. 2023-cü ilin sonunda bankın aktivlərinin həcmi 330 milyon 667 min manat olub.

Bu ilin hesabat dövründə bankın nağd pul vəsaitləri və ekvivalentləri, o cümlədən bloklaşdırılmış nağd vəsaitlərinin həcmi 2023-cü ilin sonu ilə müqayisədə 32,8 %, yaxud da 16 milyon 107 min manat azalaraq 32 milyon 923 min manat olub. 2023-cü ilin sonunda bankın nağd vəsaitlərinin həcmi 49 milyon 30 min manat olub. 

“AFB Bank”ın bu ilin hesabat dövründə qiymətli kağızlar üzrə investisiyalarının həcmi 19 milyon 613 min manat təşkil edib.

Bank bu ilin hesabat dövründə müştərilərə 170 milyon 424 min manat kredit verib, bu da 2023-cü ilin sonu ilə müqyaisədə 5,3 %, yaxud da 9 milyon 626 min manat azdır. 2024-cü ilin birinci yarısında bankın verdiyi istehlak kreditlərinin həcmi 19 milyon 192 min manat təşkil edib. Bu da 2023-cü ilin sonu ilə müqayisədə 12,7 %, yaxud da 2 milyon 814 min manat olub. 

“AFB Bank” 2024-cü ilin yanvar-iyun aylarında 84 milyon 926 min manat biznes krediti verib ki, bu da 2023-cü ilin sonu ilə müqayisədə 11 milyon 299 min manat, yaxud da 11,7 % azdır. 

Bankın verdiyi əmlak kreditlərinin həcmi 7,2 % artaraq 66 milyon 304 min manat olub.

Nara