Bu ilin iyunun 30-una olan məlumata görə bankların biznes krediti portfeli 13 milyard 874,8 milyon manat olub.

Valyuta.az Mərkəzi Banka istinadən xəbər verir ki, bu ötən ilin eyni dövrü ilə müqayisədə 2 milyard 224,3 milyon manat və ya 19,1 % çoxdur. Ötən ilin müvafiq dövründə bu, 11 milyard 650,5 milyon manat olub.

Hesabat dövründə bankların istehlak kreditləri portfeli 7 milyard 633,8 milyon manat təşkil edib ki, bu, illik müqayisədə 1 milyard 309,1 milyon manat, yaxud da 20,7 % çoxdur. 2023-cü ilin birinci yarısında bankların istehlak krediti potfeli 6 milyar 324,7 milyon manat təşkil edib.

Cari ilin birinci yarısında banklar tərəfindən 3 milyard 920,8 milyon manat ipoteka krediti verilib ki, bu da illik müqayisədə 599,8 milyon manat və ya 18 % çoxdur. Keçən ilin müvafiq dövründə ipoteka kreditləri 3 milyard 321 milyon manat təşkil edib.

Əvəz Həsənov