"Unibank" ASC 2024-cü ilin ikinci rübünü 11 milyon  493 min manat xalis mənfəətlə başa vurub.

Valyuta.az  bankın maliyyə hesabatına istinadən xəbər verir ki, bu, 2023-cü ilin sonu ilə müqayisədə 24, 9% yaxud da 2 milyon 291 min manat çoxdur. 2023-cü ilin ikinci rübündə 9 milyon 202 min manat olub.    

"Unibank" ASC-nin  faiz gəlirləri bu ilin birinci yarısında 113 milyon 116 min manat olub ki, bu, da 2023-cü ilin müvafiq dövrü ilə müqayisədə 13 % çoxdur. 2023-cü ilin birinci yarısında 100 milyon 068 min manat olub. 

Hesabat dövründə “Unibank”ın banklar və digər maliyyə institutlarındakı depozitlər üzrə faiz gəlirlərinin həcmi 1 milyon 546 min manat olub. Bu da 2023-cü ilin birinci yarım ili müqayisədə 39,9% çoxdur. 2023-cü ilin ikinci yarısında “Unibank”ın bu göstəricilər üzrə gəliri 1milyon 105 min manat olub. Bankın bu ilin birinci yarısında ticarət və investisiya qiymətli kağızları üzrə faiz gəlirlərinin həcmi 2 milyon 127 min manat təşkil edib. Bu, 2023-cü ilin müvafiq dövrü ilə müqayisədə 11,3% çoxdur. Ötən ilin hesabat dövründə bankın ticarət və investisiya qiymətli kağızları üzrə faiz gəlirlərinin həcmi 1 milyon 910 min manat olub.    

“Unibank” 2024-cü ilin ikinci rübünü 72 milyon 228 min manat xalis faiz gəliri əldə edib. Bu, 2023-cü ilin ikinci rübü ilə müqayisədə 15 % çoxdur. 2023-cü ilin hesabat dövründə Azərbaycan 62 milyon 790 min manat xalis faiz gəliri əldə edib. 

Hesabat dövründə bank 54 milyon 861 min manat qeyri-faiz gəliri əldə edib. Bu, 2023-cü ilin birinci yarım ili ilə müqayisədə 13,6% çoxdur. 2023-cü ilin hesabat dövründə bank 48 milyon 271 min manat təşkil edib. 

2024-cü ilin yanvar-iyun aylarında “Unibank”ın xərclərinin həcmi 38 milyon 008 min manat təşkil edib. Bu, 2023-cü ilin müvafiq dövrü ilə müqayisədə 7 % çoxdur. Bankın faiz xərcləri 2023-cü ilin birinci yarısında 33 milyon 508 min manat olub.

“Unibank”ın qeyri-faiz xərcləri 92 milyon 576 min manat olub. Bu da 2023-cü ilin müvafiq dövrü ilə müqayisədə 11,7% çoxdur.   Bankın 2023-cü ilin hesabat dövündə qeyri-faiz xərcləri 82 milyon 878 min manat olub.   

Bu ilin birinci yarısında bankın aktivlərinin həcmi 2023-cü ilin sonu ilə müqayisədə 5,8% artaraq 1 milyard 683 milyon 173 min manat təşkil edib.    
“Unibank”ın 2024-cü ilin yanvar-iyun aylarında öhdəliklərinin həcmi 1 milyard 528 milyon 032 min manat olub. Bu, 2023-cü ilin sonu ilə müqayisədə 5,9% yaxud da 86 milyon 202 min manat çoxdur. 

“Unibank”ın 2023-cü ilin sonunda bankın öhdəliklərinin həcmi  1 milyard 441 milyon 830 min manat olub.    

2024-cü ilin yanvar-iyun aylarında bankın kapitalının həcmi ötən ilin sonu ilə müqayisədə 4,2% artaraq 155 milyon 141 min manat təşkil edib.

Nara