Cari ilin ikinci rübündə “Express Bank”ın aktivləri 556 milyon 883 min manat olub.

Valyuta.az banka istinadən xəbər verir ki, bu, ötən ilin sonu ilə müqayisədə 3 milyon 345 min manat və ya 0,6 % azdır. Ötən ilin sonunda bankın aktivləri 560 milyon 228 min manat olub.

Bu dövrdə bankın müştərilərə verdiyi kreditlərin məbləği 31 milyon 691 min manat və ya 7,7 % artaraq 440 milyon 944 min manat olub. Müştərilərə verilmiş kreditlərin 205 milyon 378 min manatını istehlak kreditləri, 126 milyon 800 min manatını biznes kreditləri, 108 milyon 766 min manatını daşınmaz əmlak kreditləri təşkil edib. 

Hesabat dövründə bankın öhdəlikləri 9 milyon 672 min manat və ya 2,2 % azalaraq 420 milyon 648 min manat olub. Bankın depozitləri də 218 milyon 362 min manat təşkil edib ki, bu da ötən ilin sonu ilə müqayisədə 12 milyon 49 min manat və ya 5,2% azdır. Fiziki şəxslərin depozitləri 170 milyon 699 min manat, hüquqi şəxslərin depozitləri isə 47 milyon 663 min manat təşkil edib.

Əvəz Həsənov