ABŞ avtomobil istehsalçısı "Tesla" oktyabr ayında Çində istehsal edilən 68,280 elektrikli avtomobil satıb ki, bu da ötən ilin eyni dövrü ilə müqayisədə 5,3% azalma deməkdir.

Valyuta.az xəbər verir ki, bu məlumatı bazar ertəsi "Çin Sərnişin Avtomobil Birliyi" ("CPCA") yayıb.

"Tesla"-nın səhmləri bazar ertəsi açılışdan əvvəl ticarətdə 1%-dən çox enib.

Çində istehsal edilən "Model 3" və "Model Y" avtomobillərinin çatdırılması əvvəlki aya nisbətən 22,7% azalıb.

Çinli rəqib "BYD", "Dynasty" və "Ocean" seriyası elektrikli və "plug-in" hibrid avtomobilləri ilə ötən ay sərnişin avtomobili satışlarında 66,2% illik artımla 500,526 ədəd sataraq yeni aylıq rekorda imza atıb.

"BYD" sənədlərinə görə, xaricə göndərilən satışlar ümumi satışların 6%-ni təşkil edib.

ABŞ elektrikli avtomobil şirkətinin üçüncü rüb qazancı, əvvəlki rübdə işdən çıxarmalarla bağlı birdəfəlik ödənişlərdən sonra proqnozları üstələyib və bu il satış təbliğatları sayəsində illik çatdırılma artımını ilk dəfə olaraq göstərib.

O, ötən rübdə elektrikli avtomobil çatdırılmalarında "BYD"-ni üstələsə də, gəlir baxımından Çinli rəqib tərəfindən geridə qalıb.

Həmçinin qey edək ki, "Tesla" iyul ayında Çində bəzi "Model 3" və "Model Y" avtomobilləri üçün tətbiq etdiyi faizsiz maliyyələşdirmə sxemini noyabrın sonuna qədər bir ay daha uzatdı.

Rəhim